داستان ترکی قاچاخ نبی
اونون آتاسي علي كيشي چوخ يوخسول بير آدام ايميش. بو آدام بگلرين، قولچوماقلارين يئرلرينده ايشله‌ييب بئش باش كولفتيني چتينليگنن دولانديرارميش.
علي كيشي اوقدر بورجلو ايدي كي، ايل باشينا (سَلَم)ين وئره بيلميردي. علي كيشي گئجه‌ده ياتميردي بگلره، هامپالارا اودون يغيردي، شئي داشييردي، آزجا مزد آليب تاخيلا وئريردي. اونون كولفتي هميشه آرپا چؤره يي يئيردي.
علي كيشي ناعلاج قاليب بالاجا اوشاقلاريني‌دا نؤكر وئرميشدي. وارليلار علي كيشي نين اوشاقلارين آج ساخلاييرديلار. علي كيشي اورتانجيل اوغلو نبي‌ني اؤز كندلرينده كربلايي جعفر آدلي بير آداما نؤكر وئرميشدي.
نبي‌يه قارين دولوسو چؤرك وئرميردي. اونا بير يورونمه وئرميشدي كي، او يورونمه‌يه بورونوب گئجه‌لر قويون ايچينده يائيردي.
او، نبي‌نن يولا گئدميردي اونو چوخ دؤيوردو، اينجيديردي. نبي‌ده دوشنده كربلايي جعفردن آدلاميردي، جاناوار يئدي، اوغورلاندي آدي ايله، اونون ياخشي قويونلاريني تلف ائديردي. نبي‌‌اود كيمي اوشاق‌ايدي، كربلايي جعفر بيردئينده او، ايكي دئييردي. بعضا آجيق ائله‌ييب باشقا يئره قاچيردي. آتاسي علي اونو هده‌له ييب ايشينه قايتاريردي. نبي‌ده كندده وارليلارين اوشاقلاري ايله گزميردي. اويناياندا اؤز طرفينه يوخسول، چيلپاق اوشاقلاري گؤتوروردو.
كندده اولان قولچوماق بگلر نبي‌دن شكايت ائتديلر، اونلار علي كيشي‌يه دئديلر كي اوغلونا اؤگود وئرمه‌سن، دجلليگي‌نين قاباغيني آلماسان، سني كنددن سورگون ائده جه‌ييك. علي كيشي باخدي كي نبي‌نين دجلليگي‌ني تركيده بيلميه‌جك. و فيكيرلشدي كي نبي‌ني ائولنديرسين، بلكه عاغيللانا.
موللو كندينده خانعلي آدلي بير اورتاباب كندلي وارايدي. خانعلي نين هَجَر آدلي بيرقيزي وارايدي كي، اوشاقليقدان نبي ايله بير يئرده بؤيوموشدو. نبي هجري، هجرده نبي‌ني سئويردي. بونلار بير بيريسيني گؤرمه سئيدي، قاراللاري گلمزدي.
علي كيشي نبي‌نين ده‌ليليگي‌نين قاباغنيني آلماق اؤچون هجرين آتاسي خانعلي‌يه ائلچي گؤندردي. خانعلي ائلچي‌لره چوخ پيس باخدي. ائلچي‌لر ال چكمه‌ييب خانعلي‌يه دئديلر ........
حجم فایل : ۷.۴ مگابایت
فرمت فایل : pdf
راهنمای دانلود: بعد از کلیک روی ( دانلود Download ) در صفحه باز شده روی عبارت
Free Download Slow کلیک کنید